Եթե Սիրիայի դեմ կոալիցիա ձևավորվի, Թուրքիան կմիանա այդ կոալիցիային.

Թուրքիան կմիանա Սիրիայի դեմ միջազգային ցանկացած կոալիցիայի, եթե նույնիսկ ՄԱԿ-ի Անվտանգության խորհրդում այս հարցի շուրջ չհաջողվի հասնել ավելի լայն կոնսենսուսի, օգոստոսի 26-ին այսպիսի հայտարարություն է արել Թուրքիայի արտգործնախարար Ահմեդ Դավութօղլուն, հաղորդում է Hurriyet Daily News-ը:  

«Մենք մշտապես կարևորել ենք համատեղ գործունեությունը միջազգային հանրության, ՄԱԿ-ի հետ: Եթե Անվտանգության խորհուրդը հանդես չգա նման որոշմամբ, օրակարգում կընդգրկվեն այլընտրանքային տարբերակներ», – Milliyet օրաթերթին ասել է Դավութօղլուն  և հավելել, որ եթե Սիրիայի դեմ կոալիցիա ձևավորվի, Թուրքիան  կմիանա այդ կոալիցիային: