Բրիտանական հեռուստաալիքը մահմեդականներին աղոթքի է կանչելու

Մահմեդական սրբազան Ռամադան ամսին Մեծ Բրիտանիայի պետական հեռուստատեսությունը պատմության մեջ առաջին անգամ կհեռարձակի մուեձինի` աղոթք սկսելու կանչը: Այդ մասին երեկ հայտնել է Channel 4-ի տեղեկատվական ծրագրերի տնօրեն Ռալֆ Լին. տեղեկացնում է ИТАР-ТАСС-ը:

Որոշումն ընդունվել է մայիսի 22-ին Լոնդոնում իսլամականների կողմից բրիտանացի զինծառայողի սպանությունից հետո սրված միջկրոնական հարաբերությունների ֆոնին:

Հուլիսի 9-ից, երբ սկսվելու է Ռամադանը, հեռուստաալիքը ամեն օր 00:03-ին հեռարձակելու է աղոթականչը: Ռամադանի առաջին օրն այն կրկվելու է 4 անգամ: Միաժամանակ ներկայացվելու է 20 վայրկյան տեւող տեսահոլովակ, որը ոչ մահմեդականներին հիշեցնելու է իսլամական պահքի սկսման մասին: