Ուրուգվայի պատվիրակությունը` Ադրբեջանի նախագահի նստավայրում

Մայիսի 22-ին Ադրբեջանի նախագահ Իլհամ Ալիևն ընդունել է Ուրուգվայի խորհրդարանի ներկայացուցիչների պալատի նախագահ Գերնան Կորդոսոյի գլխավորած պատվիրակությանը. հայտնում է Vesti.az-ը:

Հանդիպման ընթացքում Ալիևը շեշտել է 2 երկրների միջև հարաբերությունների արագ զարգացումը և նշել փոխադարձ այցելությունների կարևորությունը:

Կարդոսոն, իր հերթին, նշել է, որ աշխարհագրական հեռավորությունը չի կարող խոչընդոտ լինել 2 երկրների հարաբերությունների զարգացմանը:  

Կողմերն ընդգծել են քաղաքական և առևտրա-տնտեսական հարաբերությունների հաստատման նպաստավոր պայմանները: Բացի այդ, քննարկվել են հարցեր` կապված Ղարաբաղյան խնդրի խաղաղ կարգավորման հետ: