ԼՂՀ ԱԳՆ պատվիրակությունը Աբխազիայում է

Վաղը` մայիսի 18-ին, Աբխազիայի արտգործնախարարությունը նշում է իր 20-ամյակը: Աբխազիայի ԱԳՆ-ի հրավերով երկրի մայրաքաղաք Սուխում են ժամանել պաշտոնական պատվիրակություններ, այդ թվում` ԼՂՀ ԱԳՆ-ի պատվիրակությունը` արտգործնախարար Կարեն Միրզոյանի գլխավորությամբ. տեղեկացնում է «Երկրամասը»:

Այսօր Արցախի ներկայացուցիչները ոչ պաշտոնական հանդիպում են ունեցել Աբխազիայի հայերի միության ղեկավարության եւ ակտիվիստների հետ: Հանդիպումը տեւել է 4 ժամ, քննարկվել են ինչպես Լեռնային Ղարաբաղի, այնպես էլ Աբխազիայի հայերին հետաքրքրող հարցեր: Ի դեպ, հանդիպմանը ներկա են եղել նաեւ Աբխազիայի Ազգային ժողովի աբխազ պատգամավորներ: