Երբ ուսուցիչն ընդամենը կամակատար է

Մեր երկրում իշխանության գլխավոր նպատակը տարիներ ի վեր վերարտադրվելն է եղել, եւ յուրաքանչյուր իշխանություն ռեսուրսները ծառայեցնում է դրան: Այս մասին Երեւանի Էրեբունի համայնքում ընտրողների հետ կայացած հանդիպման ժամանակ ասաց ԱԺ ՀՅԴ խմբակցության անդամ Արծվիկ Մինասյանը՝ հավելելով, որ իշխանությունը վերարտադրման համար գործի է դնում վարչական ողջ ռեսուրսները, այդ թվում՝ ուսուցիչներին:

«Մենք վերադարձնելու ենք ուսուցիչներին  արժանապատվությունը: Մենք մեր ուսուցիչներին հարգում ու սիրում ենք: Իրավունք չունի այսօր որեւէ քաղաքական ուժ՝ կլինի ՀՀԿ, ԲՀԿ, «Օրինաց երկիր», թեկուզ՝ Դաշնակցություն, իրավունք չունի պարտադրել ուսուցչին կուսակցական որոշումներով առաջնորդվել: Ուսուցչին վերադարձնելու ենք արժանապատվությունը, մեր երեխաներին վերադարձնելու ենք իրական ուսուցչին, մտավորականին»,- ասաց Արծվիկ Մինասյանը: