ԿԺԴՀ-ն հրաժարվել է Հարավային Կորեայի հետ բանակցություններից

Փհենյանը մերժել է Սեուլի` Կեսոն արդյունաբերական շրջանում համագործակցությունը վերսկսելու վերաբերյալ բանակցություններ սկսելու առաջարկը: Այդ մասին հայտնել է «Ռենհապ» գործակալությունը` վկայակոչելով հյուսիսկորեական իշխանությունների ներկայացուցչին. գրում է Лента.ру-ն:

Գործակալության զրուցակիցն ասել է, որ Հարավային Կորեայի` նախօրեին ներկայացրած վերջնագիրը չի կարողացել ազդել ԿԺԴՀ-ի որոշման վրա:

Հիշեցնենք, որ Հարավային Կորեան հայտարարել էր, որ մտադիր է սպասել ԿԺԴՀ-ի պատասխանին մինչեւ ապրիլի 26-ը: Փհենյանի բացասական պատասխանի դեպքում Հարավային Կորեան պատրաստ էր լուրջ քայլերի գնալ, թե` ի՞նչ, չէր մանրամասնվում: