Ժիրինովսկին կնոջ եկամուտների մասին տեղեկատվություն չի պատրաստվում ներկայացնել

ՌԴ Լիբերալ-դեմոկրատական կուսակցության առաջնորդ Վլադիմիր Ժիրինովսկին հայտարարել է, որ իր եկամուտների հայտարարագրում կնոջ եկամուտների մասին տեղեկություն չի ներկայացրել, քանի որ իրենք եկեղեցով են ամուսնացած. հայտնում է РИА Новости-ն:

Քաղաքական գործչի խոսքերով` այդ դեպքում կնոջ եկամուտների հայտարարագիր կարելի է չկազմել: «Եկեղեցական ամուսնությունը ավելորդ փաստաթղթեր չի ենթադրում»,- շեշտել է Ժիրինովսկին:

Պաշտոնական տվյալների համաձայն` 2012-ին Ժիրինովսկին վաստակել է մոտ 2,5 մլն ռուբլի: Նրան են պատկանում մի քանի հողատարածք, երկու կիսակառույց տուն, ГАЗ-21 մեքենա, ինչպես նաև բնակարան Մոսկվայում: