Ռուսաստանն, այնուամենայնիվ, կօգնի Կիպրոսին

Ռուսաստանը Կիպրոսին 2011-ին տրամադրած 2,5 մլրդ եվրոյի վարկը կվերաձեւակերպի. տեղեկացնում է Интерфакс-ը: «Մենք մեր ավանդը ներդնում ենք: Եվրահանձնաժողովի խնդրանքով մենք որոշեցինք վերաձեւակերպել այդ պարտքը: Դա կիպրական հիմնախնդրի լուծման մեջ մեր իրական ներդրումն է»,- ասել է ՌԴ նախագահ Վլադիմիր Պուտինը այսօր Հանովերում` մամուլի ասուլիսի ժամանակ:

Նա նաեւ հույս է հայտնել, որ «կիպրական տարբերակը», երբ երկրի խոշորագույն բանկերի ներդրողները կորցրեցին իրենց դեպոզիտների մեծ մասը, այլեւս չի կրկնվի: «Ելնում ենք այն բանից, որ սա եզակի դեպք էր, եւ եվրոյի խնդրահարույց գոտիներում ճգնաժամից դուրս գալու նման միջոցներ այլեւս չեն կիրառվի»,- ասել է ՌԴ նախագահը: