Սարկոզիի դեմ հարուցված գործը հնարավոր է փակվի

Ֆրանսիայի նախկին նախագահ Նիկոլա Սարկոզիի դեմ հարուցված քրեական գործը հնարավոր է փակվի. հայտնում է Лента.ру-ն` վկայակոչելով Le Parisien-ը:

Սարկոզիին մեղադրանք է առաջադրվել L'Oreal-ի գործով: Հետաքննության տվյալների համաձայն` 2007-ին Սարկոզին Ֆրանսիայի ամենահարուստ կանանցից մեկից՝ Լիլիան Բենտակուրից, անօրինական կերպով գումար է ստացել իր նախընտրական քարոզարշավի համար։

Ըստ պարբերականի` Բորդոյի դատախազը համոզիչ չի համարել դատական քննիչների եզրակացությունները, ովքեր կարծում են, որ Սարկոզին օգտվել է Բետանկուրի առողջական վիճակից և անօրինական կերպով գումար ստացել նրանից։

Սարկոզիի դեմ առաջ քաշված մեղադրանքները հանելու մասին` դատախազի միջնորդագիրը ապրիլի 4-ին ուղարկվել է արդարադատության նախարարություն: