Մենք չունեցանք հինգ ղեկավար

Ազատության հրապարակում ընթացող հանրահավաքում ելույթ ունեցավ Ռուբեն Հակոբյանը, ով, մասնավորապես, ասաց.

«Մենք չունեցանք հինգ մարդ` նախագահ, Ազգային ժողովի նախագահ, վարչապետ և ուժային կառույցների ղեկավարներ, ովքեր կհասկանային, որ իրենցից է կախված, թե ինչ նկարագիր կունենա մեր պետությունը: Մենք չունեցանք այն ղեկավարությունը, որը կդրսևորեր համապատասխան քաղաքական կամք` փոփոխություններ անելու համար»:

Նա բերեց նաև մերձբալթյան պետությունների օրինակը, որտեղ հաջողվեց արագ հաղթահարել հետխորհրդային շրջանը:

Ավարտելով խոսքը` Ռ. Հակոբյանը նշեց, որ կարծում է, թե հրապարակում հավաքված ժողովուրդը կողմ է, որ նորմալ երկխոսության միջոցով լուծվի այս թնջուկը: Նաև ավելացրեց, որ համարում է, որ դեռ ամեն ինչ կորած չէ: