Ադրիատիկ ծովում թունավոր ֆուգու է հայտնաբերվել

Ադրիատիկ ծովում առաջին անգամ թունավոր ֆուգու ձուկ է հայտնաբերվել: Այդ մասին տեղեկությունը տպագրվել է խորվաթական մամուլում: Ձուկը փոքր Տրիբուն քաղաքի նավահանգստում երեխաներ են որսացել. տեղեկացնում է Вести-ն: Դա ուշագրավ է նրանով, որ Եվրոպայում այդ ձուկը կարելի էր տեսնել միայն ռեստորաններում:

Ֆուգուի բնակության արեալը ձգվում է Ավստրալիայի հյուսիսային ափերից մինչեւ Ճապոնիա եւ Չինաստանի հարավային ափեր: Այն շատ թունավոր ձուկ է, դրա օրգանիզմում պարունակվում է մարդու համար մահացու թույնի չափաբաժին: Ըստ վիճակագրության` 60 տոկոս թունավորումների վերջը մահն է:  Սակայն ճապոնացի խոհարարները այդ ձկից հմտորեն ճաշատեսակներ են պատրաստում, որոնք անվնաս են: