Վիգեն Սարգսյանի արձակուրդը կավարտվի՞ պաշտոնանկությամբ

Երեկ «Հայկական ժամանակի» թղթակցին հայտնի է դարձել, որ Սերժ Սարգսյանի աշխատակազմի ղեկավար Վիգեն Սարգսյանը արձակուրդ է մեկնել: Թե որն է ներքաղաքական ներկայիս լարված և անորոշ իրավիճակում՝ նման քայլի պատճառը, պաշտոնապես ճշտել չի հաջողվել:

«ՀԺ» թղթակցի հեռախոսազանգերը Սերժ Սարգսյանի լրատվական ծառայություն՝ անպատասխան են մնացել: Պրակտիկան, սակայն, ցույց է տալիս, որ որևէ պաշտոնյայի այսպիսի անսպասելի արձակուրդն ավարտվում է պաշտոնանկությամբ կամ պաշտոնափոխությամբ: Վիգեն Սարգսյանը, ինչպես Սերժ Սարգսյանի փեսա Միքայել Մինասյանը, Սարգսյանի նախընտրական շտաբում կենտրոնական դերակատարություն ուներ:

Այս արձակուրդը վկայում է, որ Սերժ Սարգսյանը նրան նույնպես չի ներում ընտրություններում իր խայտառակ արդյունքի համար: Ենթադրվում է, որ ինչպես Մ. Մինասյանը՝ Վ.Սարգսյանը նույնպես ապագայում կմեկուսացվի քաղաքական դաշտից: