Thomson Reuters-ի աշխատակցին մեղադրում են Anonymous-ին օգնելու մեջ

Ամերիկյան դատախազությունը Thomson Reuters ընկերության աշխատակից Մեթյու Քիզին մեղադրում է Anonymous խմբի հաքերներին օգնելու մեջ. տեղեկացնում է Интерфакс-ը:

Thomson Reuter-ի սոցիալական ցանցերի ղեկավարի 26-ամյա տեղակալը, ըստ մեղադրանքի, օգնել է հաքերներին կիբերհարձակում գործել  Los Angeles Times-ի կայքի վրա եւ փոխել նորությունների բովանդակությունը: Քիզը 2010 թվականին հաքերներին է տրամադրել Los Angeles Times-ին պատկանող Tribune ընկերության համակարգիչների գաղտնաբառերը:

Thomson Reuters-ում ասել են, որ տեղյակ են, որ իրենց աշխատակցին մեղադրանք է ներկայացված, եւ ընդգծել են, որ ենթադրվող հանցագործությունները կատարվել են մինչ Քիզի` 2012-ին իրենց աշխատակից դառնալը: