Վրաստանը հետաքրքրված է հեռաբուժության մեջ Հայաստանի փորձով

Վրաստանում ՀՀ դեսպան Հովհաննես Մանուկյանը երեկ հանդիպել է Վրաստանի առողջապահության նախարար Դավիթ Սերգեյենկոյի հետ. տեղեկացնում են ՀՀ ԱԳՆ-ից:

Հանդիպման ընթացքում Սերգեյենկոն նշել է, որ հայ-վրացական փոխադարձ համագործակցությունը  առողջապահության բնագավառում երկկողմ  հարաբերությունների կարեւոր  ուղղություններից  է  եւ  պատրաստակամություն է հայտնել շարունակել համագործակցությունը հայկական կողմի հետ` ձեւավորված սերտ գործընկերային ոգուն համապատասխան:

Առողջապահության նախարարը, մասնավորապես, ընդգծել է վրացական կողմի հետաքրքրվածությունը հեռաբուժության բնագավառում Հայաստանի փորձի նկատմամբ: Իսկ դեսպան Մանուկյանը հայկական կողմի համար կարեւոր է համարել Վրաստանի փորձի ուսումնասիրումը ապահովագրական բժշկության տեսանկյունից: