Վենեսուելան նախագահ կընտրի ապրիլի 14-ին

Վենեսուելայի ընտրական հանձնաժողովը հայտարարել է, որ նախագահական նոր ընտրություններն անցկացվելու են ապրիլի 14-ին:

BBC-ին հաղորդում է, որ համաձայն հասարակական կարծիքի ուսումնասիրությունների արդյունքների` ներկայումս առաջատար դիրքերում է Նիկոլաս Մադուրոն` նախագահի ժամանակավոր պաշտոնակատարը, ով ավելի վաղ հայտնել էր, որ ցանկանում է շարունակել Չավեսի սոցիալիստական քաղաքականությունը:

Մադուրոյի հիմնական մրցակիցը լինելու է ընդդիմության առաջնորդ Էնրիկե Կապրիլեսը, ով արդեն իսկ ընտրություններին մասնակցելու ցանկություն է հայտնել:

Նախորդ տարվա հոկտեմբերին տեղի ունեցած ընտրությունների ժամանակ Չավեսը հավաքել էր ընտրողների ձայների 54 տոկոսը, Կապրիլեսը` 45 տոկոսը: