ՀՀ դեսպանը կանադացի նախարարի հետ խոսել է Խոջալուի դեպքերից

Փետրվարի 27-ին Կանադայում ՀՀ դեսպան Արմեն Եգանյանը հանդիպել է նախարար, Կանադայի խորհրդարանում Կառավարության ղեկավար Պետեր վան Լոանին. հայտնում են ԱԳՆ-ից:

Հանդիպման ընթացքում կողմերը քննարկել են երկկողմ խորհրդարանական հարաբերություններին վերաբերող հարցեր:

Դեսպան Եգանյանը նախարարի հետ զրուցել է Խոջալուի դեպքերի մասին` ներկայացնելով իրականությունը իրադարձությունների վերաբերյալ եւ ընդգծելով, որ  Ադրբեջանը որդեգրել է նշված ողբերգությունը կեղծ քարոզչությանը ծառայացնելու ճանապարհը: ՀՀ դեսպանը ողջունել է կանադական իշխանությունների աջակցությունը ԵԱՀԿ Մինսկի խմբի շրջանակներում արցախյան հիմնախնդրի կարգավորման գործընթացին:

Հանդիպման ավարտին ՀՀ դեսպանը նշել է, որ Հայաստանը եւ հայ ժողովուրդը երախտապարտ են Կանադայի խորհրդարանին եւ կառավարությանը Հայոց ցեղասպանության ճանաչման համար: