Երեւանի քաղաքապետարանը մերժել է, բայց հանրահավաքը կկայանա

Երևանի քաղաքապետարանը մերժել է փետրվարի 23-ին, 24-ին և 25-ին ժ.15.00-19.00 Ազատության հրապարակում հավաքներ անցկացնելու վերաբերյալ` ՀՀ նախագահի թեկնածու Րաֆֆի Հովհաննիսյանի լիազոր ներկայացուցիչ Արմեն Մարտիրոսյանի իրազեկումը:

Արմեն Մարտիրոսյանը իրազեկումները ներկայացրել է փետրվարի 20-ին, այնինչ «Հավաքների ազատության մասին» ՀՀ օրենքի 12-րդ հոդվածի համաձայն` «Իրազեկումը կարող է ներկայացվել հավաքի անցկացման օրվանից ոչ ուշ, քան 7 օր, և ոչ շուտ, քան 30 օր առաջ»։ Տվյալ դեպքում իրազեկումները ներկայացվել են օրենսդրությամբ սահմանված ժամկետի խախտումով։

Րաֆֆի Հովհաննիսյանի շտաբի ներկայացուցիչ Ռուբեն Հակոբյանը yerkir.am-ի հետ զրույցում նշեց, որ վաղվա հանրահավաքի վերաբերյալ որեւէ խնդիր չկա, այն կկայանա: