Իրանը սկսել է ժամանակակից ցենտրիֆուգների մոնտաժումը

Իրանը սկսել է ուրանի հարստացման համար ժամանակակից ցենտրիֆուգների մոնտաժումը Նաթանզի ձեռնարկությունում: Այդ տեղեկությունը տարածել են Ատոմային էներգիայի միջազգային գործակալության մասնագետները. տեղեկացնում է ИТАР-ТАСС-ը:

Նրանք մի քանի օր առաջ եղել են Նաթանզում եւ տեսել մոտ 100 նոր մոդելի ցենտրիֆուգներ, որոնք հնարավորություն կտան մոտ 3-5 անգամ արագացնել ուրանի հարստացումը:

Նաթանզում ժամանակակից ցենտրֆուգներ տեղադերլու մտադրության մասին Իրանը պաշտոնապես տեղեկացրել էր ԱԷՄԳ-ին այս տարվա հունվարի 23-ին: Իսկ աշխատանքների սկսման մասին փետրվարի 13-ին հայտարարել էր Իրանի ատոմային էներգիայի կազմակերպության ղեկավար Ֆերիդուն Աբասի Դավանին: