Թեհրանում մեր ըմբիշներն առայժմ մեկ պարտություն եւ երկու հաղթանակ ունեն

Թեհրանում փետրվարի 19-ին մեկնարկել է հունահռոմեական ոճի ըմբշամարտի Աշխարհի գավաթի խաղարկությունը, որին մասնակցում են մոլորակի տասը լավագույն հավաքականները:

Հայաստանի հավաքականը, որը ընդգրկված է A խմբում, առաջին հանդիպման ժամանակ պարտվել է Ռուսաստանի հավաքականին, երկրորդում մեր ըմբիշները վստահորեն հաղթել են Բուլղարիային, իսկ երրորդում ուժեղ են գտնվել Հարավային Կորեայի հավաքականից:

Վերջին հանդիպումը Լեւոն Ջուլֆալակյանի գլխավորած ընտրանին անցկացնելու է Բելառուսի հավաքականի հետ:

Հայաստանի հավաքականն այս ստուգատեսին մեկնել է ոչ մարտական կազմով, մեր լավագույն ըմբիշները շարունակում են պատրաստվել մարտին կայանալիք Եվրոպայի առաջնությանը: