Դինքի սպանությունը ծրագրողներից մեկը պատրաստ է ցուցամունք տալ

Ստամբուլի դատախազը, ով ուսումնասիրում է հայազգի լրագրող Հրանտ Դինքի սպանությունը, փետրվարի 13-ին նամակ է ստացել Կենտրոնական Անատոլիայի Տոկատ նահանգի բանտերից մեկում իր ազատազրկումը կրող մի բանտարկյալից, ով պնդում է, թե տեղեկություն ունի Դինքին սպանողների վերաբերյալ: «Հյուրիեթ»-ի հաղորդմամբ`նա նամակում նշել է, որ կարող է գործի առնչությամբ փաստաթղթեր ներկայացնել եւ համագործակցել հետախուզական մարմինների հետ, եթե միայն նրանք ապահովեն իր եւ իր ընտանիքի անդամների անվտանգությունը: Թուրքական պարբերականը գրում է, որ դատախազը համաձայնել է նրա առաջարկի հետ:

Անձը, ում անունը չի նշվում, հայտնել է, թե սպանությունը ծրագրել է մի խումբ, որի անդամ է եղել ինքը, ինչպես նաեւ Էրհան Թունջելին, ով, ի դեպ, Դինքի սպանության գործով կասկածյալներից մեկն էր, սակայն ազատ արձակվեց: