Աքրամ Այլիսլին արդեն մտածում է երկիրը լքելու մասին

«Նրանք, ովքեր չեն սանձում Հաֆիզ Հաջիեւի նմաններին, կործանում են Ադրբեջանի ժողովրդի բարոյականությունը»,- «Քարե երազներ» գրքի հեղինակ Աքրամ Այլիսլին այսպես է արձագանքել Ադրբեջանի «Ժամանակակից Մուսավաթ» կուսակցության առաջնորդ Հաջիեւի այն հայտարարությանը, թե պատրաստ է գրողի ականջի համար 10 հազար մանաթ վճարել:

Turan լրատվական գործակալության հաղորդմամբ` նա նաեւ շեշտել է, որ նորմալ երկրներում իրավապահ մարմինները պատասխանատվության կենթարկեին սպառնալից հայտարարություններ անողներին, մինչդեռ Ադրբեջանում դրանք վաղուց չեն արձագանքում:

«Եթե նրանք չձեռնարկեն համապատասխան միջոցներ, ես ստիպված կլինեմ ընտանիքիս հետ հեռանալ այս երկրից»,- հայտարարել է Այլիսլին: