Սպանություն` պատվի համար

Լիբանանի հարավային` Վազանի քաղաքում երկու տղա սպանել են իրենց անչափահաս քրոջը, ով հղիության յոթերորդ ամսում է եղել: Ոստիկանները հայտնել են, որ սպանությունը եղել է «ընտանեկան պատվի» հարց: Նրանք նաեւ տեղեկացրել են, որ, ոչ պաշտոնական տվյալներով, երեխայի հայրը հենց սպանվածի հարազատ եղբայրն է, սակայն վերջնական արդյունքների համար անհրաժեշտ է հերձման պատասխանը. տեղեկացնում է The Daily Star-ը:

Լիբանանում 2011 թվականին նոր օրենք է ընդունվել, ըստ որի` «պատվի համար» սպանությունները ավելի խիստ կդատապարտվեն: Մինչ այդ կնոջը, քրոջը կամ ընտանիքի այլ անդամին սպանելու դեպքում մեղավորին ավելի մեղմ պատիժ էր հասնում, եթե ապացուցվում էր, որ դա պատվի համար եւ կատաղի զայրույթի ժամանակ է եղել: