"Ազատություն բարիկադներում" կտավից հեռացրել են հաճախորդուհիներից մեկի թողած հետքը

Վերականգնող նկարիչներին դժվարությամբ հաջողվել է Էժեն Դելակրուայի գլուխգործոցի` «Ազատություն բարիկադներում» կամ «Ժողովրդին առաջնորդող ազատւթյուն» կտավի վրայից ջնջել այն գրառումը, որը հաճախորդուհիներից մեկն արել էր մարկերով. հաղորդում է Lenta.ru կայքը:

Հիշեցնենք, որ ավելի վաղ Լուվր թանգարանի ֆրանսիական Լանս քաղաքի մասնաճյուղում մի 28-ամյա կին էր ձերբակալվել: Ցուցահանդեսի ընթացքում հաճախորդուհին հանել էր իր սեւ մարկերը եւ կտավի վրա գրել մի ասոցիացիայի անուն` AE911: Պահակները բավականին ուշ խոչընդոտել էին նրան եւ ոստիկանություն զանգահարել: Թանգարանի տնօրինությունը դատական հայց է ներկայացրել կնոջ դեմ:

Թե ինչու է նա այդ քայլին դիմել, հստակեցված չէ: