Իշխանությունները պետք է պատվի հարց դարձնեն ոճրագործին գտնելը

«Ժառանգություն» խորհրդարանական խմբակցության ղեկավար Ռուբեն Հակոբյանը նույնպես այցելել էր հիվանդանոց` տեսակցելու ՀՀ նախագահի թեկնածու Պարույր Հայրիկյանին, ում դեմ երեկ գիշեր մահափորձ էր կատարվել:

Լրագրողների հետ զրույցում Հակոբյանը նշեց, որ այնքան անտրաբանական է այն, ինչ կատարվում է, որ նույնիսկ եզրահանգում անել եւ ինչ-որ գնահատական տալ չի կարող:

«Լսելով դեպքի մասին` միանգամից ինձ հարց տվի, թե, իրոք, ո՞ւմ էր սա ձեռնտու: Կարծում եմ` սա ուղղված էր պետության դեմ, պետության հեղինակության դեմ: Իշխանությունները պետք է պատվի հարց դարձնեն սա եւ որքան հնարավոր է շուտ գտնեն ոճրագործին»,- ասաց Հակոբյանը: