ՍԴ-ն կքննարկի Սահակաշվիլիի լիազորությունների ժամկետի հարցը

Վրացական «Դիմադրության շարժման» առաջնորդներ Դավիթ Թարխան-Մոուրավին, Սոսո Մանջավիձեն եւ Իրմա Ինաշվիլին պահանջում են արագացված կարգով Սահմանադրական դատարանում քննարկել երկրի նախագահի լիազորությունների ժամկետի հարցի հետ կապված հայցը:

2006 թվականի սահմանադրական փոփոխություններով` Սահակաշվիլին իր լիազորությունների ժամկետը երկարաձգել է 9 ամսով` 2013 թ. հունվարից մինչեւ հոկտեմբեր, եւ հայցով պահանջվում է այդ որոշումը չեղյալ հայտարարել:

Կքննարկի՞ արագացված կարգով Սահմանադրական դատարանը հայցը, կորոշվի այսօր. տեղեկացնում է Apsny.ge-ն: Ի դեպ, ուշագրավ է, որ դատարանում պատասխանող կողմը Վրաստանի խորհրդարանն է:

Եթե ՍԴ-ն չբավարարի հայցը, Մանջավիձեն հայտարարել է, որ չեն բացառվում բողոքի ակցիաները, քանի որ Սահակաշվիլին զավթել է իշխանությունը: