Հայտնի պապարացին 5 տարի բանտում կանցկացնի Տրեզեգեին լուսանկարելու համար

Հայտնի իտալացի պապարացի Ֆաբրիցիո Կորոնան 5 տարվա ազատազրկման է դատապարտվել ֆուտբոլային աստղ Դավիթ Տրեզեգեին անծանոթ կնոջ հետ լուսանկարելու համար:

Դեպքը տեղի է ունեցել 2009-ին, երբ Կորոնան հետապնդում էր թուրինյան «Յուվենտուսի» եւ Ֆրանսիայի հավաքականի ֆորվարդ Տրեզեգեին: Պապարացին ավելի քան 40 լուսանկար է արել, որում ֆուտբոլիստը անծանոթուհու հետ է, իսկ հետո սկսել է շանտաժի ենթարկել իր զոհին. հույս է ունեցել 25 հազար եվրո ստանալ լուսանկարները չհրապարակելու եւ ֆուտբոլիստի ընտանեկան անդորրը չխախտելու դիմաց. տեղեկացնում է Дни.ру-ն:

Սակայն գումարը վճարելու փոխարեն ֆուտբոլիստը դիմել էր ոստիկանություն: Հետաքննությունը տեւել է 4 տարի եւ ավարտվել Կորոնայի բանտարկությամբ: