Ադրբեջանցիները գործարարի որդու համար 17 մլն փրկագին են պահանջել

Երեկ ոստիկանությունը Մերձմոսկվայում ձերբակալել է երկու ադրբեջանցիների եւ մեկ ուզբեկի, որոնք կասկածվում են մի գործարարի որդու առեւանգման եւ 17 մլն ռուբլի փրկագին պահանջելու մեջ. տեղեկացնում է РИА Новости-ն:

Գործարարը ոստիկանությանը հայտնել էր, որ երկուշաբթի օրը իր որդին դուրս էր եկել կինոթատրոնից, որից հետո նրա մասին տեղեկություններ չեն ունեցել, քանի որ նրա բջջային հեռախոսն անջատված է եղել: Ավելի ուշ, իրենից որդու համար 17 մլն ռուբլի են պահանջել:

Երեկ ոստիկանները հայտնաբերել են այն վայրը, որտեղ պահել են առեւանգվածին: Հատուկ ջոկատայինների օգնությամբ նրան ազատել են եւ ձերբակալել կասկածյալներին: Հարուցվել է քրեական գործ: