Վրաստանում մաքսանենգության համար ՀՀ քաղաքացի է ձերբակալվել

Վրաստանի ֆինանսների նախարարության հետաքննչական ծառայության աշխատակիցները Թբիլիսիի միջազգային օդանավակայանում ձերբակալել են Հայաստանի քաղաքացի Գուրգեն Բեսալյանին. տեղեկացնում է Новости-Грузия-ն:

«Հետաքննությամբ պարզվել է, որ նա, ցանկանալով խուսափել հարկերի վճարումներից, շրջանցելով մաքսային ծառայությունը, Արաբական Միացյալ Էմիրություններից Դուբայ-Թբիլիսի չվերթով ներկրել է չհայտարարագրված թանկարժեք բբջջային հեռախոսներ` Iphone 4s, Iphone 5, Samsung galaxy s3` 19245 լարի (մոտ 11,5 հազար դոլար) ընդհանուր արժեքով»,- ասվում է հաղորդագրության մեջ:

Ըստ Վրաստանի օրենսդրության`  նման արարքի համար նախատեսվում է 3-7 տարի ազատազրկում: