Մալիում արտակարգ դրությունը երկարաձգվում է

Մալիի կառավարությունն արտահերթ նիստում այսօր որոշում է կայացրել հունվարի 12-ից հայտարարված արտակարգ դրությունը երկարաձգելու մասին. տեղեկացնում է ИТАР-ТАСС-ը:

«Արտակարգ դրությունը երկարաձգվում է մեր երկրի օկուպացված տարածքների ազատագրմանն ուղղված ռազմական գործողությունների հաջողության զարգացման համար բարենպաստ պայմաններ ապահովելու նպատակով»,- լրագրողներին հայտնել է կառավարության ներկայացուցիչը:

Մալիում հակամարտությունը սկիզբ է առել անցյալ տարվա մարտի 22-ից, երբ զինվորական հեղաշրջման ժամանակ տապալվեց նախագահ Ամադու Տումանի Տուրեի իշխանությունը: Դրանից օգտվեցին ծայրահեղական խմբավորումնները, նաեւ ապստամբած տուարեգները, որոնք վերահսկողության տակ վերցրեցին երկրի հյուսիսը: