Դեդ Հասանի համար վրեժխնդրությունը սկսվե՞լ է

Հունվարի 19-ի գիշերը Աբխազիայի մայրաքաղաք Սուխումում սպանվել է քրեական հեղինակություն Աստամուր Գուլիան` Աստիկ Սուխումսկին. տեղեկացնում է РИА Новости-ն:

Կրակել են Mercedes W210  մեքենայից, ենթադրաբար` Կալաշնիկովի ինքնաձիգից: Գուլիային 7 գնդակ է դիպել` մեկը` ազդրին, մեկ` վզին, հինգը` կրծքին: Բժիշկներն ամբողջ գիշեր պայքարել են 31-ամյա Գուլիայի կյանքի համար, սակայն` ապարդյուն:

Տեղական ԶԼՄ-ների տվյալներով` սպանվածը Ասլան Ուսոյանի` Դեդ Հասանի հակառակորդ կլանից էր: Գրում են, թե Գուլիան «թագադրվել էր» վրացի քրեական հեղինակությունների կողմից դեկտեմբերին` Դուբայում:

Իրավապահները պաշտոնապես չեն հաստատում, որ Գուլիան «օրենքով գող» է եւ հետաքննության մանրամասներ չեն հրապարակում: