Արամ Հարությունյանն այսօր ուղիղ եթերում բացահայտումներ կանի

ՀՀ նախագահի թեկնածու, «Ազգային համաձայնություն» կուսակցության նախագահ Արամ Հարությունյանը հայտարարել էր, որ քարոզարշավը սկսելուն պես կարեւոր բացահայտումներ է անելու:

Yerkir.am-ի հետ զրույցում Հարությունյանը նշեց, թե հեռուստատեսությունները հիմնականում խեղաթյուրում են միտքը, կիսատ են ներկայացնում այն կամ էլ առանց միտքը ներկայացնելու` իրենց վերլուծությունն են ցուցադրում, հետեւաբար, ինքն իր հիմնական մտքերը ներկայացնելու է ուղիղ եթերում: «Այսօր ուղիղ եթերի ժամանակ էլ կասեմ այն, ինչ կարեւոր եմ համարում: Հետո, հնարավորության դեպքում, կօգտվենք նաեւ վճարովի եթերից»,- նշեց նա:

Հարությունյանն ասաց նաեւ, որ քարոզարշավի ընթացքում շեշտը դնելու է այն քաղաքացու վրա, որը չի ցանկանում երկրից բացակայել, այլ ցանկանում է մնալ իր երկրում` հասկանալով, որ այն նաեւ իր զավակներինն է: «Քանի որ ամենամեծ ժառանգությունը դա նորմալ հայրենիք ժառանգելն է»,- համարում է ՀՀ նախագահի թեկնածուն: