Մուրա’դ, մի’ կատաղիր…

ԱԺ պատգամավոր Մուրադ Մուրադյանի հարաբերություններն այնքան են վատացել վարչապետի եւ Սերժ Սարգսյանի հետ, որ նա արդեն բացահայտ դժգոհում է նրանցից. գրում է «Հրապարակը»: Ըստ թերթի` նա մտերիմների շրջանում նեղսրտել է, թե իրեն «քցել» են՝ չկատարելով իրենց խոստումները:

Ըստ նրա` խորհրդարանական ընտրություններից առաջ իրեն խոստացել են Մասիսի կարևոր գերատեսչությունների ղեկավարներ նշանակել իր մերձավորներին: Խոսքը ջրմուղի, էլեկտրացանցի ու հարկային ծառայության մասին է: Դժգոհել է նաև, որ աջակցություն չեն ցուցաբերում իր որոշ բիզնես-պրոյեկտներին: «Հրապարակը» հիշեցնում է, որ Մուրադյանը Մասիսից մեծամասնականով ընտրվեց պատգամավոր: