ԱՄՆ-ը փակել է Կենտոնական Աֆրիկայում իր դեսպանատունը

ԱՄՆ իշխանությունները փակել են Կենտրոնական Աֆրիկայի Հանրապետության մայրաքաղաք Բանգիում գտնվող իրենց դեսպանատունը: ԱՄՆ-ը գնացել է այդ քայլին աշխատակիցների անվտանգությունն ապահովելու համար. հայտնում է Associated Press-ը:

Դեսպանատան մոտ 40 աշխատակից ԱՄՆ ռազմաօդային ուժերի ինքնաթիռով տարհանվել են շենքից եւ տեղափոխվել Քենիա: Միևնույն ժամանակ, ԱՄՆ պետքարտուղարությունն ընդգծել է, որ դա դիվանագիտական հարաբերությունների խզում չի նշանակում: ԱՄՆ-ն այդ քայլին է դիմել ապստամբների պատճառով, որոնք փորձում են տապալել գործող նախագահին և վերջին շաբաթներին ԿԱՀ-ի հյուսիսում մի քանի քաղաքներ են գրավել ուև այժմ շարժվում են դեպի մայրաքաղաք:

Ավելի վաղ, վախենալով ապստամբների ներխուժումից, իր ներկայացուցիչներին դուրս բերելու մասին հայտարարել էր ՄԱԿ-ը: