Կադիրովը Դեպարդիեին հրավիրել է Չեչնիա` մշտական բնակության

Չեչնիայի նախագահ Ռամզան Կադիրովը հայտարարել է, որ Չեչնիայում պատրաստ են ընդունել ֆրանսիացի հայտնի դերասան Ժերար Դեպարդիեին, ով օրերս տեղափոխվել է Բելգիա և հրաժարվել Ֆրանսիայի քաղաքացիությունից. հայտնում է Интерфакс-ը:

Կադիրովը նշել է, որ, ըստ երեևույթին, Դեպարդիեն Ֆրանսիայի քաղաքացիությունից հրաժարվելու իր պատճառներն է ունեցել, և ինքը մտադիր չէ քննարկել դերասանի այդ քայլը:

«Ես գիտեմ, որ Դեպարդիեն չի բացառում Ռուսաստանում բնակվելու հավանականությունը: Եթե երկրի ղեկավարությունը դրական որոշում կայացնի և նրան ռուսական քաղաքացիություն տրամադրի, մենք ուրախ կլինենք մշակույթի վառ գործչի համար արժանի պայմաններ ստեղծել մեր հանրապետությունում»,- լրագրողներին ասել է Չեչնիայի նախագահը: