Իրանը մեղադրանք է ներկայացրել ԱՄՆ 18 պաշտոնյաների

Իրանը մեղադրանք է ներկայացրել ԱՄՆ 18 պաշտոնյաների: Այդ մասին հայտարարել է Իրանի դատական համակարգի ղեկավարի տեղակալ Սեյեդ Իբրահիմ Ռաիսին. տեղեկացնում է FarsNews-ը:

Ըստ նրա` Իրանը մեծ թվով փաստաթղթեր ունի, որոնք ապացուցում են Իրանի դեմ ԱՄՆ-ի իրականացրած հանցագործությունները: «Եթե դատավորները լինեին անկախ իրավաբաններ եւ միջազգային հանրության ներկայացուցիչներ, ամերիկացի հանցագործներին հնարավոր կլիներ ավելի արագ պատասխանատվության կանչել: Ցավոք, նման բան դեռեւս հնարավոր չէ, քանի որ ԱՄՆ-ի ազդեցությունը համաշխարհային հանրության վրա չափազանց մեծ է»,- ասել Ռաիսին:

Նա նաեւ հավելել է, որ Իրանը միջոցներ է ձեռնարկում համաշխարհային հանրության ուշադրությունը ԱՄՆ-ի հանցագործեների վրա սեւեռելու համար: