Սթիվ Վոզնյակը հիացած է Հայաստանով

Վարչապետ Տիգրան Սարգսյանն ընդունել է «Apple computer» կորպորացիայի համահիմնադիր Սթիվ Վոզնյակին: Ողջունելով հյուրին՝ վարչապետը շնորհակալություն է հայտնել նրան Հայաստան կատարած այցելության համար:

Հանդիպման ընթացքում զրուցակիցները մտքեր են փոխանակել տեղեկատվական տեխնոլոգիաների ոլորտում աշխարհում տեղի ունեցող զարգացումների և հեռանկարների, ինչպես նաև երկկողմ համագործակցության կապակցությամբ:

Վոզնյակը Հայաստանից ստացած իր տպավորություններն է ներկայացրել վարչապետին՝ նշելով, որ հիացած է մեր երկրով և նրա քաղաքակրթությամբ:

Սթիվ Վոզնյակը Հայաստանում է  ՏՏ ոլորտում համաշխարհային ներդրման համար Հայաստանի Հանրապետության նախագահի մրցանակը ստանալու համար: