Նախագահը վստահում է միայն իրեն ու փեսային

Վերջին շրջանի պաշտոնանկությունները Ժողովրդական կուսակցության նախագահ Տիգրան Կարապետյանը «Երկիր»-ի հետ զրույցում կապեց իշխանության կողմից հենց Երեւանում լծակները ուժեղացնելու հետ:

«Նախագահը ցանկանում է սիրաշահել երեւանցիներին: Մայրաքաղաքում հաղթելը բարդ է, քանի որ երեւանցին 5 000-ը չի վերցնում: Մարզերում, գյուղերում մարդիկ մարզպետի, գյուղապետի կողմից կառավարվում են»,- նշեց նա:

Հովիկ Աբրահամյանի նշանակումը շտաբի պետ եւ «նրա գլխին Միքայել Մինասյանին ինսպեկտր տանելը», Կարապետյանի կարծիքով, իշխանության կողմից ամեն ինչ կառավարելի դարձնելու փորձի ապացույցն է:

Մեր այն հարցին, թե չի՞ փարատվել, արդյոք, Հովիկ Աբրահամյանի նկատմամբ նախագահի ունեցած կասկածը, ԺԿ նախագահը պատասխանեց, որ նախագահը ոչ մեկին էլ չի վստահում, «վստահում է միայն իրեն եւ փեսային` Միքայել Մինասյանին»: