Հայաստանի հավաքականը պարտվեց ադրբեջանցիներին

Հունաստանի Պորտո Կարաս քաղաքում տեղի ունեցող շախմատի Եվրոպայի թիմային առաջնության երկրորդ տուրի` Հայաստան - Ադրբեջան մրցամարտում  մեր հավաքականը կրեց առաջին պարտությունը:

Լեւոն Արոնյան - Թեյմուր Ռաջաբով եւ Վլադիմիր Հակոբյան - Շաքրիյար Մամեդյարով պարտիաներն ավարտվեցին ոչ ոքի, սակայն 45-րդ քայլում պարտություն կրեց սեւերով հանդես եկող Գաբրիել Սարգսյանը` տանուլ տալով Գադիր Գուսեյնովին:

Ավելի ուշ հայ շախմատիստի պարտությամբ ավարտվեց նաեւ  Վուգար Գաշիմով - Սերգեյ Մովսիսյան պարտիան:

Այսպիսով` Հայաստանի հավաքականը 1:3 հաշվով պարտվեց հարեւան Ադրբեջանի թիմին` կրելով իր առաջին պարտությունն այս առաջնությունում: