Արմեն Գեւորգյանը չի հերքում իր պաշտոնանկության մասին լուրերը

ՀՀ փոխվարչապետ եւ տարածքային կառավարման նախարար Արմեն Գեւորգյանը հրաժարվում է խոսել իր պաշտոնանկության մասին: Նաեւ չի մեկնաբանում շրջանառվող լուրերը, համաձայն որոնց` ինքը նույնպես հրաժարականի դիմում է ներկայացրել:

Այսօր Ազգային ժողովի նիստի ընդմիջման ժամանակ նրան մոտեցած լրագրողների հարցերին Ա. Գեւորգյանը հրաժարվեց պատասխանել եւ հեռացավ:

Հիշեցնենք, որ երեկ ՀՀ ոստիկանապետ Ալիկ Սարգսյանի պաշտոնանկության մասին լուրերի տարածվելուց հետո խոսվում էր նաեւ, թե պաշտոնը թողնելու է նաեւ Արմեն Գեւորգյանը` ՀՀ նախկին նախագահ Ռոբերտ Քոչարյանի թիմին միանալու համար: Կան խոսակցություններ` Ռոբերտ Քոչարյանի ակտիվ քաղաքական դաշտ վերադառնալու մասին: