Արհեստական արյունը շուտով հասանելի կլինի

Արհեստական արյուն ստեղծելու փորձերը շարունակվում են: Մոտակա երկու տարվա ընթացքում գիտնականները կսկսեն փորձարկումներ իրականացնել նաև մարդկանց վրա. տեղեկացնում է Doctors.am-ը:

Եթե դրանք հաջող անցնեն, լաբորատորիաներում ստեղծված արյունը լայն տարածում կստանա: Գիտնականների կարծիքով` դա տեղի կունենա մոտակա տասնամյակի ընթացքում: Նրանք համարում են, որ իրենց աշխատանքը հիմնովին կփոխի արյան փոխպատվաստման խնդիրը:

Բրիստոլի համալսարանի մասնագետները պատրաստվում են ստեղծել բացասական ռեզուսով -0- խմբի համապիտանի արյուն, որը հարմար կլինի մարդկանց 98 տոկոսի համար: Արհեստական արյունը, ի տարբերություն դոնորական արյան, երբեք վարակ չի պարունակի: