Թաիլանդը կարող է կորցնել 6 միլիոն զբոսաշրջիկ

Թաիլանդի իշխանությունների պաշտոնական տվյալներով` հոռետեսական սցենարի դեպքում, եթե բանգկոկյան ջրհեղեղը տեւի մինչեւ 2011 թվականի դեկտեմբերը, երկրի զբոսաշրջիկների թիվը կկրճատվի 6 միլիոն 300 հազարով:

Ընդհանուր առմամբ` Թաիլանդի զբոսաշրջության ոլորտի եկամուտները կարող են կրճատվել ավելի քան 800 միլիոն դոլարով:

Թաիլանդական իշխանությունները կանխատեսում են նաեւ, որ եթե ջրհեղեղները դադարեն նոյեմբերին, ապա հնարավոր կլինի խուսափել խոշոր վնասներից. տեղեկացնում է Gazeta.ru-ն:

Վերջին տվյալներով`ջրհեղեղների հետեւանքով զոհերի թիվը հասել է 380-ի: Հազարավոր մարդիկ փախչում են Բանգկոկից, իսկ փողոցներն ու մայրուղիները խցանված են: