Արմատներով հայ Նորայր Կասպերը` "Ոսկե նարնջի" մրցանակակիր

«Զեննե պարող» (ռեժ. Մեհմետ Բինայ եւ Չաներ Ալպեր) թուրքական աղմկահարույց խաղարկային ֆիլմը ստացել է հինգ մրցանակ Թուրքիայի խոշորագույն կինոփառատոնում:

Արմատներով հայ, կանադացի բեմադրող օպերատոր, Կանադական կինոօպերատորների միության անդամ Նորայր Կասպերը արժանացել է «Լավագույն օպերատոր» մրցանակին: Ֆիլմը ստացել է նաև Կինոքննադատների միության «Լավագույն ֆիլմ» մրցանակը, ինչպես նաև «Լավագույն առաջին ֆիլմ», «Երկրորդ պլանի լավագույն դերասան և դերասանուհի» մրցանակները:

«Զեննե պարող»-ն առաջին թուրքական խաղարկային ֆիլմն է, որը պատմում է թուրքական բանակում համասեռամոլների նկատմամբ ստորացուցիչ վերաբերմունքի մասին: