Վանի երկրաշարժի զոհերի թիվ հասել է 366-ի

Արեւմտահայաստանի Վան նահանգում հոկտեմբերի 23-ին տեղի ունեցած ուժգին երկրաշարժի հետեւանքով Վանում եւ Արճեշում մահացածների թիվը հասել է 366-ի: Վիրավոր է ավելի քան 1301 հոգի։ Փլված շենքերի թիվն անցնում է 2 հազարից։

Ուժգին երկրաշարժից հետո դեռեւս շարունակվում են ցնցումները։ Վերջին 48 ժամվա ընթացքում Վանի նահանգում գրանցվել է 400-ից ավել ցնցում:

Երկրաշարժը զգացվել է նաեւ Հայաստանում, Վրաստանում եւ Իրանում` 3-5 բալ հզորությամբ:

7,2 մագնիտուդով երկրաշարժը տեղի է ունեցել հոկտեմբերի 23-ին Վանի նահանգում` տեղի ժամանակով 13:41-ին: Էպիկենտրոնը եղել է Վանից 38 կմ հյուսիս-արեւելք՝  Թաբանլը գյուղի մոտակայքում: