ՀԱԷԿ աշխատակիցների աշխատավարձերը բարձրացվել են 10 տոկոսով

Հայաստանի ատոմային էլեկտրակայանի աշխատակիցների աշխատավարձը բարձրացվել է 10 տոկոսով: Այս մասին yerkir.am-ին հայտնեցին ՀՀ էներգետիկայի եւ բնական պաշարների նախարարության մամուլի ծառայությունից:

«Համատեղ քննարկումների արդյունքում որոշվել է Հայաստանի ատոմային էլեկտրակայանի ծախսերի օպտիմալացման արդյունքում տնտեսվող գումարներն ուղղել ՀԱԷԿ-ի օպերատիվ անձնակազմի միջին աշխատավարձի 10 տոկոս բարձրացմանը: Տեղեկացնենք, որ ՀԱԷԿ-ում արդեն ավարտվել են սեպտեմբերի 11-ին սկսված պլանային վերանորոգման եւ վերալիցքավորման աշխատանքները: Այժմ ընթանում են փորձարկումները, որից հետո կայանը, նախատեսվածից շուտ, կմիանա էներգահամակարգին»,- ասված է մամուլի ծառայության տարածած հաղորդագրության մեջ: