Բազմաբնակարան շենքերի սեյսմակայունությունը` ուշադրության կենտրոնում

Մայրաքաղաքում բազմաբնակարան շենքերի սեյսմակայունության ապահովման համար անհրաժեշտ է պարբերաբար ուսումնասիրություններ կատարել, գույքագրել վթարային շենքերն ու համապատասխան քայլեր ձեռնարկել դրանց հիմքերի ամրացման ուղղությամբ. հերթական աշխատանքային խորհրդակցության ժամանակ ասել է Երեւանի քաղաքապետ Կարեն Կարապետյանը:

Համապատասխան վարչությունների պատասխանատուներին նա նաեւ հանձնարարվել է շարունակել հետեւողական վերահսկողությունը շինարարություն իրականացնող ընկերությունների պարտավորությունների կատարման մասով, որպեսզի ապահովվի հետիոտնի պատշաճ տեղաշարժը, շինհրապարակների հարակից տարածքներում բացառվի շինարարական աղբի կուտակումն ու բեռնատարների անհարկի կայանումը: Պարտավորությունները խախտողների հանդեպ կկիրառվեն համապատասխան միջոցառումներ. տեղեկացնում է Երևանի քաղաքապետարանի տեղեկատվության և հասարակայնության հետ կապերի վարչությունը: