Ավելի քան 10 երկիր Թուրքիային օգնության առաջարկ է արել

Ադրբեջանի, ԱՄՆ-ի, Մեծ Բրիտանիայի, Գերմանիայի, Շվեյցարիայի, Հունաստանի եւ եւս 4 երկրների արտաքին գործերի նախարարներ հեռախոսզրույց են ունեցել Թուրքիայի ԱԳ նախարար Ահմեդ Դավութօղլուի հետ եւ երկրաշարժի կապակցությամբ օգնություն առաջարկել:

Թուրքիային օգնության առաջարկով դիմել է նաեւ Իսրայելը, թեեւ վերջին շրջանում երկու երկրների հարաբերությունները բավական վատ են: Ինչպես տեղեկացնում է Reuters-ը, Իսրայելի նախագահ Շիմոն Պերեսը զանգահարել է Թուրքիայի նախագահ Աբդուլլահ Գյուլին եւ օգնություն առաջարկել:

Ադրբեջանն արդեն Թուրքիա է ուղարկել 120 փրկարար` երկրաշարժի հետեւանքները վերացնելու եւ որոնողական աշխատանքներ կատարելու համար:

Հիշեցնենք, որ Թուրքիայի նախագահին իր օգնությունն է առաջարկել նաեւ Սերժ Սարգսյանը: