Հայաստանը 6 քայլով առաջ է անցել

Կառավարության այսօրվա նիստից առաջ վարչապետ Տիգրան Սարգսյանն, անդրադառնալով Համաշխարհային բանկի հրապարակած` բիզնես միջավայրի բարելավման գործակցին, հատկանշական եւ կարեւոր համարեց, որ բարեփոխումների քանակով 183 երկրների շարքում Հայաստանը զբաղեցնում է առաջին տեղը:

«Համաշխարհային բանկի գնահատականներով` 5 ոլորտներում մենք ունենք էական բարելավում, եւ այդ առումով միակն ենք 183 երկրների մեջ: ԱՊՀ երկրներում այս ցուցանիշով երկրորդն ենք, զիջում ենք միայն Ղազախստանին»,- ասաց Տ. Սարգսյանը:

Նշենք, որ Համաշխարհային բանկն այսօր հրապարակել է բիզնես միջավայրի բարելավման Doing Business-ի գործակիցը: Ըստ այդ զեկույցի` Հայաստանն այս ուղղությամբ 6 քայլով առաջ է շարժվել եւ 61-րդ տեղից տեղափոխվել 55-րդ հորիզոնական: