ՆԱՏՕ-ն վերացնում է սերբերի բարիկադները

Կոսովոյի հյուսիսում սերբերի եւ ալբանացիների միջեւ հակամարտության պատճառով NATO KFOR-ն այսօրվանից սկսել է վերացնել սերբերի բարիկադները: Այդ նպատակով զինվորականները օգտագործում են արցունքաբեր գազ. հաղորդում է Reuters-ը:

Ականատեսները վկայում են, որ գերմանական եւ ավստրիական զորքերը` լիովին զինված, շարժվում են դեպի սահմանային վերահսկիչ անցակետը, որտեղ տեղակայված են բարիկադները` Պրիշտինայից 100 կմ հյուսիս հեռավորության վրա:

Սերբիայի եւ Կոսովոյի սահմանին իրավիճակը սրվել է սեպտեմբերի կեսերին, երբ Կոսովոյի ալբանացիներն իրենց ոստիկաններին եւ մաքսային աշխատողներին կանգնեցրել էին «Յարինե» եւ «Բրյանկ» վերահսկիչ անցակետերում: Իսկ Կոսովոյի իշխանությունները փորձել էին գրավել այդ անցակետերը, ինչի պատճառով զինված հարձակումներ էին եղել: