Չմոռանանք մեր հերոսներին. "Մեծն Շահեն"

Լույս է տեսել Աշոտ Պետրոսյանի` ազատագրական շարժման գործիչ Շահեն Մեղրյանի մասին պատմող «Մեծն Շահեն» գիրքը:

Գրքում լուսաբանվում են հայդուկապետ Շահեն Մեղրյանի կենսագրության էջերը, Շահումյանում ազատագրական պայքարի ծավալումը, հերոսի ծննդավայրի եւ Գյուլիստանի մելիքության պատմաաշխարհագրական առանձնահատկությունները:

«Շահենենց ընտանիքը տիպական օրինակն է գյուլիստանցիների ավանդական կենցաղավարության, ամրության, հաստատակամության»,- գրում է հեղինակը` հավելելով, թե քանի որ Մեղրյանը պատմական դեմք է, ուստի եւ նպատակահարմար է նրա կենսագործունեությունն ու հոգեբարոյական կերպարը կապել իր պատմաաշխարհագրական միջավայրին:

Գրքի շնորհանդեսը տեղի կունենա վաղը` ժամը 12-ին, ԵՊՀ պատմության ֆակուլտետում: