"Ակամա գաղթականները". վերջ արտագաղթին

«Ակամա գաղթականները» գիրքը կարեւոր նպատակ է որդեգրել` ուղեկցել ճամպրուկային տրամադրություն ունեցող այն մարդուն, ով որոշել է լքել հայրենիքը` փորձելով երջանկություն որոնել օտար ափերում. լրագրողների հետ հանդիպման ժամանակ ասաց գրքի հեղինակ, ներկայումս Լիխտեյնշտեյնում բնակվող Լյովա Պապիկյանը:

Հեղինակը համոզված է, որ եթե ինքը կարողանա այս գրքի միջոցով գոնե մեկ հայի կողմնորոշել, տեղեկացնել, թե ինչ է սպասվում նրան Եվրոպայում, դա կարող է մեծ ձեռքբերում համարել:

Գրքում ներկայացված է հայերի գաղթը դեպի Եվրոպա` սկսած 1990-ականներից: Հեղինակն անձամբ անցել է այդ ամենի միջով, ինչն էլ մանրամասն ներկայացված է գրքում: Լիխտեյնշտեյնում ընդհանրապես չգիտեին հայերի մասին, եւ Լյովա Պապիկյանի ընտանիքը եղել է այնտեղ բնակություն հաստատած առաջին հայ ընտանիքը: Ներկայումս Լիխտեյնշտեյնում բնակվում է երկու հայ ընտանիք: